Оны шилдэгүүд..

Хорь арав улиран одож хорь 11 гараад хэдийнээ хагас сар өнгөрсөн байна. Блогийн оны эхний сэтгэл догдлуулсан Аааржэе оддын хамт шоундаа та бүхнийг урьж байна. Таалан соёрх..

.... гэж яриад дундуур нь гоё жүүс, хаан банк, бамбарууштай тавчик, шинэ гарсан гоёмсог хайрцагтай шокладны дундуур баахан реклам явсаны эцэст цэнхэр дэлгэцээр буцаад хар костюмтой майкрофон барьсан залуу бол Ааржэе мөн байлаа.. Түүний эсрэг талд суух бариу уранхай, жинс өмсөж, хар шилэн дээр зохиогүй дээл бүслэж, үсээ сэгсгэр тавьсан эрхэм бол яалтчгүй Жий билээ. Өмд нь уранкай байгааг мань эр хэн ч мэдэхгүй байгаа гэж бодовч үнэн хэрэгтээ студийн захирал молоохойгоос адгийн муу найруулагч нусгай хүртэл бүгд мэдэж байгаа. Энэ хоёрын хувьд саяхнаас нэг блог дээр хамтран мутарлах болсон бөгөөд энэ бол шал тусдаа хэрэг учир ингээд орхиё..

Ааржэе : Үнэхээр сайхан үдэш байна шүү Жигүүрээ?

Жигүүр: Тэгэлгүй яахав ёстой ёндоотой үдэш вайна..

Ааржэе: Юуны өмнө цэнхэр дэлгэцээ үзэн суугаа үзэгчиддээ энэ сайхан үдшийн мэндийг хүргэж молоохой студиэс мэндчилж байна.

Жигүүр: Үдшийн мэнд үзэгчидээ..

Ааржэе : За энэ өдрийн нэвтрүүлэг бол маш онцлогтой буюу өнгөрсөн жилийн шилдэгүүдийг тодруулах болно.

За ингээд өнгөрсөн оны шилдэг фэйсбүүкчинээ нэрлэе.

Нилээд олон хүн тухайлбал Жий, Мо, Бүрнээ , гэх мэт нилээд олон хүн оролцсон боловч нэг хүн энэ хүндтэй шагналаар шагнагдлаа..

Энэ хүн бол жинхэнэ монгол "хүү" фэйсбүүкдээр ямар байж болох вэ гэсэн магадлалыг батлаж чадсан Ideree Jargalsaihan билээ.. Байж байж байгаад нэг хүнд хүнд юм бичдэг гэж байгаа тухайлбал..

За тэр доор нь Симпсоны зурагтай эрхэмийг бол танихгүй хүн байхгүй биз..

Жигүүр: Daahaha алиа шаассс..

Ааржэе: Жигүүрээ шууд эфир шүү гэж шүдээ зууж байгаад камерлуу харж хэллээ..

Жигүүр: За дараагийн нэрэмжит шагнал бол оны шилдэг амлалт..

Ааржэе : Энэхүү номинацд 2 амлалт нэр дэвшсэнийг доор дурьдая..

Эхний амлалт буюу сайхан залуу Дөөк моог хамт фитнэсс явна гэж "хошиг" үсэргэж мурьсан амлалт байгаа бол 2 дохь амлалт Баавгайгийн Ааржэед хэлж байсан "маньд чинь төлөвлөсөн зүйл байгаа" амлалт юм.

Яалчтгүй 2 дохь амлалт шилдгээр шалгарсан юм. Учир нь баавгай үнэндээ юу ч хийгээгүй билээ..

Утас дугарав.. Баавгай залгаж байна. Байна уу?

Баавгай : Байна.. Ээ мань чинь...

Ааржэе түр студиэс гарч явлаа..

Жий.. Нүүр нь жоохон улайсан байртай.. : За тэгхээр дараагийн номинац бол оны шилдэг уулт юмаа...

Жигүүр, Ааржэе 2 ийн пабанд орж 2 чацарганы жүүс авч уусан гэгээхэн уулт шалгарах гэсэн боловч нэг уулт шавар хаасан юм..

Үүнд "төмөр замын" хундам, рүбнээ, жигүүр болон 8н толгойт бэкийн нийлж амралтанд уусан "уулт" шалгарлаа.. Шөнө бандаашнаас өөр зүйлгүй хүнд 4лээ эээм пи гураваа тавиад туучихсан гунигт сэтгэл хөдөлгөм түүх үүнд мөн багтана..

Яг энэ үед Ааржеэ студид буцан инээмсэглэн орж ирлээ..

Уучлаарай үзэгчидээ.. Дараагийн номинац бол оны шилдэг хайр дурлал..

Алс холын шанхай хотод очсоныхоо дараа монголд буй хайр дурлалдаа шатаж буй Бубан хүчтэй өрсөлдсөн ч Бүрнээ энэ оны шилдэг хайр дурлал буюу цагаан мортой бөгтөрхөн шагналыг авлаа.. Шөнө 2 цагт найз охиноо 3,4 лүү хүргэж өгөөд буцаад гэрлүүгээ алхана гэдэг бол хайрандаа шатаж буй илрэл мөн биз?..

Жигүүр : Ай мөн байлгүй яахав..

Ааржэе : За юу ч гэсэн шалгарчихаад байгаа оны шилдэгүүддээ баяр хүргье..

Жигүүр: Дараагийн номинац бол оны шилдэг төрсөн өдөр ба шинэ жилийн оройн тэнэгтэлт..

За студийн захирал молоохойдоо баяр хүргье.. Тиймээ тэр түүний төрсөн өдрөөр мартагдашгүй бэлэг барьсан.. Хэн ч моо г зүрхэн лаа асааж дунд нь суусан байдлаар төсөөлөхгүй.. Гэхдээ тиймээ тэр тэгсэн.. Бүр яг төрсөн өдрөөр нь шүү.. Харин шинэ жилийн орой мо той биш гэр бүлийнхэнтэйгээ өнгөрөөсөнд мо багагүй бачуурч мэссэнжэрдэх олон хүмүүсээ сандаж, түүндээ гомдож хагас сар гаруй дугарч яадаж байгаа ба энэ байдал хэр удаан үргэлжлэхийг аллах мохамэд али мэдэх болвуу. Ингэснээр Мо маань энэхүү сайхан 2 шагналын эзэн боллоо.. Одоо

Ааржэе : Оны шилдэг "тэнэгтэлт"..

За энэ номинацад ээлжит блак мэн бойс буюу Жигүүр&Ааржэе 2ийн тэнэгтэлт нэгт жагссан байна.. Өвөл харанхуйд айлын болкон руу дээр дээрээсээ давкаралдаж авирсан тэнэгтэлт бол яалтчгүй нэгт жагслаа. Баяр хүргье Жий..

Жигүүр: Чамд ч гэсэн баяр хүргье.. За дараагийн номинац бол оны хамгийн том ашиг ба алдагдал орсон байна..

Дампууралд миний биеийн чэлсигийн гуларсантай холбогдуулан дансанд байсан 100$ оо форэкс дээр нэг баяны хараал идсэн чипс эсвэл тансаг зоогийн газрын захиалганд явуулчихсан орсон бол шилдэг ашиг орлогоор ааржэегийн анх удаа өөрийн гараар хийсэн 10$ ийн 70н buck буюу 700$ ийн төсөл шалгарлаа.. Баяр хүргье..

Ааржэе: За баярлалаа.. Зангиагаа засааад.. За дараагийн номинац бол оны сенсаацаар ааржэегийн фэйсбүүкийн Ааржэе 10н секундэд 1249 удаа маус нэг товчийг дарсан сенсаац орсон байна..

Жигүүр: За дахиад баяр хүргье.. Манай баярын тусгай нэвтрүүлгийн эхний хэсэг ингээд өндөрлөж байна. Та бидэнтэй хамт байгаарай.. Хагас цагийн дараа эргээд уулзацгаая..

Зураглаач : Дук.

Хөтлөгч: Ааржэе, Жигүүр(тусгай дугаар)

Найруулагч: Нусгай

Жолооч: Ваабгай

Захирал Молоохой..

Бүх эрх захирал Молоохойн эрх ашгийн дагуу ®©.

Молоохой студи.. 1.16.2011 2.11PM

Алив цааш нь...

Ганцаардлын тухай яриа

Г.Аюурзанын "Дурлалгүй ертөнцийн блюз"-ын есөн эсээ бодрол , эргэцүүлэл хэсэгт багтсан Ганцаардлын тухай яриа . Уншиж үзээрэй за ,огт бодож байгаагүй өнцгөөс чинь харсан ч юм билүү .



1.

Аль ч үед ганцаардаж ганихарсан хүн л амьд явахын утга учир , мөн чанарыг илүүтэй олж харсан байдаг . Ганцаардаж үзээгүй хүн амьдралаас залхсан байдаг юм билээ. Та эргэлзэж болно л доо , <Харин ч олны дунд наргиж , үймж хөгжилдөж яваа хүн амьдралын баяр баясгаланг илүүтэй олж хүртмээр юм > гэж хэлж ч мэднэ . Ихэнх хүн ингэж боддог ч нарийндаа тэр завтай зугаатай хүмүүс амьдралынхаа мөн чанарыг ойлгож чаддаггүй байх нь олонтаа .

Яагаад ?

Гаргалгаа нь тун энгийн : Хүн ерөөсөө ганцхан хувь амьтан . Орчлонгийн хаана ч яг над шиг хүн өөр байхгүй . Тиймээс ч хэн нэгний баяжсан туршлага надад таардаггүй . Нэгэн айлын жаргалтай амьдралын нууцыг олж мэдлээ гэхэд бусад гэр бүл жаргачихдаггүй . Нэг жаалыг сайн хүн болгосон хүмүүжлийн арга өөр хүүхдийг адгийн новш болгохыг ч үгүйсгэх аргагүй .

Амьдралын бэрх үе тохиолдоход хүнд өөрөөс нь өөр хэн ч тус болдоггүй . эцэг эх төрсөн ах дүүс хүний хамгийн ойрын төрөл садангууд мөн л дөө . Гэхдээ тэдний хэн нь ч өөрийнхөө амьдралаас илүү үнэтэй хэн нэгний эрх ашгийг олж харах нүдгүй байдаг . Тэд ч тус бүрдээ нэг нэг хувь хүн . Тэдэнд ч өөрийн гэсэн ганцаардах шалтгаан бий . Тэдний ганцаардлыг хуваалцах гэж оролдвол , яг чиний ганцаараа байх хүслийг хэн нэгэн үймүүлэн бусниулахтай адилхан . Учир нь ганцаардал , ганцаархнаа толгой мэдэн аливааг шийдвэрлэх эрх чөлөө гэдэг хүний хувьд хамгийн нандин , халдашгүй эрх юм . Яг л ийм шалтгаанаар шийдвэрлэх мөчид эцэг нь хүүгээсээ , ах нь дүүгээсээ урвадаг . Энд хүний мөс ердөө хамаагүй .(?) Угаасаа бидэнд өгөгдсөн чанар нь тийм юм . Дээр нь бид тус бүрдээ ганц ганцхан хувь юм .

-Хэн ч туслахгүй ! Xэн ч ойлгохгүй ! Хэн ч миний өмнөөс зовж шаналахгүй !Би , зөвхөн би л өөрийнхөө ертөнцийг бүтээнэ ! Өөр арга байхгүй

Энэ бол эрүүл ухаан . Үүнийг арай өөр өнцгөөс харж ч болно . Тэр нь юу байх вэ гэвэл :

- Хэнд ч туслаад нэмэргүй ! Xэнийг ч зөв , чин үнэнээр нь ойлгох боломжгүй ! Хэний ч оронд би жаргаж цэнгэхгүй ! Хэн ч өөрийнхөө ертөнцийг , би байсан байгаагүй бүтээх л болно! .(?)

Ялгаагүй нэг л зүйл . Үүний үндэс бол ганцаардал юм . Гэхдээ ганцаардал гэдэг тухайн ганцхан хувь хүний дотоод ертөнцийн тусгал биш . Ганцаардсан хүний гэр бүл ч ганцаардана . Ганцаардмал гэр бүлийн гишүүдийн тоо тав , арав , хорь байсан ч ялгаагүй , тэндээс ганцаардал арилахгүй . Тэдгээр хорин хүн өөр хоорондоо хичнээн халуун дотно , бүх л зовлон жаргалаа хуваалцдаг ч бай , ялгаагүй . Ганцаардал хэзээ ч үгүй болохгүй . Гэхдээ чухам ийм гэр бүлүүд л нийгмийн хамгийн оюун санааны дээд төвшинд орших магадлалтай . Тэндээс төрөн гарсан ганцаардмал цонхигор иргэд идэмхий , уумхай наргианч , жаргалтай хүмүүсээс сэтгэхүйн хувьд хамаагүй түмэнтээ илүү байх тавилантай . Үүнийг ямар нэг жишээн дээр нотлох гэж оролдмооргүй байна . Хэлэх гэсэн санаа минь юу вэ гэвэл

-ХҮН ГАНЦААРДАЖ БАЙХ ЁСТОЙ

Энэ бол гагцхүү дотоод ертөнцийн , оюун санааны ганцаардлын тухай яриа шүү .

2.

Хэзээ ч билээ надад үндэслэл муутай хэрнээ тун сонин санаа төрсөн юм . Та Гарсиа Маркесын <Зуун жилийн ганцаардал >-ыг уншсан байлгүй . Энэ роман тэгтлээ амжилт олсны нууц нь ердөө л Soledad (Ганцаардал ) гэсэн үгэнд байгаа юм шиг санагдаж билээ . Ганцаардал болон хүний сэтгэлийн гүнд нэвчих чадвараараа Хайр дурлал , Үхэл , Бурхан зэрэг үгсээс дутахгүй эрч хүчтэй шүү .

3.

Ганцаардал гэдэг маань ингэхэд юу билээ ? Түүнийг юутай жишиж адилтгаж болох вэ ?

Гадаад ертөнцтэй , бусад хүмүүстэй зохицон нийцэж чадаагүйдээ л хүн ганцаарддаг . Ер нь олонтой нэгдэж алхаа нийлж явна гэдэг бусдын боддогийг л бодоход хөтөлдөг . Бусдын үзэл бодол хүнд хор гай учруулахгүй л бол дээд , хэзээ ч тэдгээрээс ашиг тус горилох хэрэггүй . Хүнд өөрийнх нь дотоод ертөнцөөс нь өөр хаана ч аврал байхгүй .

Энэ л шалтгааны улмаас нийтэч хүн ганцаардмал хүнээс хавьгүй дооогуур сэтгэлгээтэй байдаг . (??) Магадгүй төрөлхөөсөө сүргийн сэтгэхүйтэй хүмүүс олны аяыг дагамхай байдаг ч байж болох юм . (?)

Гав ганцаархнаа суугаад юм бодох гэж сайхан зүйл үгүй . Тийн суухад хурц гэрэл ч садаа болдог . Тиймээс ганцаардлыг бүрэнхийтэй зүйрлэвээс онох мэт . Ганцаардалд бас ямарваа чимээ шуугиан харш . Эндээс ганцаардлын туйлын орчинг тодорхойлж болно . Харанхуй , аниргүй . Ганцаардлыг дүрчлэн төсөөлөхийн тулд нүдээ аньж чихээ таглаад үзэж ч болох шүү дээ. Хот орон , эд хогшил , түмэн авиа алга болж , гагцхүү дотоод би .

Хэрэв зээ , амьдралынхаа тодорхой хэсгийг ийм маягаар өнгөрөөх юм бол чи ганцаардлын туйлд хүрнэ ... Дорно дахины гүн ухаанд “ Чиний доторх эрдэнэсийн санд бүх юм бий . Чи тэдгээрийг эзэмших эрхтэй . Гаднаас юу ч хайх шаардлагагүй “ гэсэн сургааль бий .Энэ бол мэргэдийн зохиомжилсон ганцаардлын магтуу .

Ганцаар хүн хэнээс ч үл хамаардаг . Тухайн агшинд түүний дотор төрөх бодол бүхэн мэргэн , энэ бодолдоо үнэнч явбал хойчийн болоод хөндлөнгийн юу ч аймшигтай бус . “ Анхны санаа бол Бурхны санаа “ гэж ярьдаг . Энэ бол чиний бусдаас олж сонсоогүй , цэвэр өөрт чинь төрсөн тэр санаа л туйлын аугаа гэсэн үг . Хорвоод чамайг эрхшээн дагуулах далдын хүч гэж үнэндээ үгүй , тийм хүч бий бол гагцхүү чамд өөрт чинь л бий

..... Би хүний оршихуйн уг үндэс болсон ганцаардлыг дотоод эрчим хүч гэмээр байна ...

P.S уйдаад уншихаа больчих болуу гээд зарим нэг хэсгийг нь хаслаа , сонирхвол номыг нь авч болно шүү .

Нээрээ манайхан юу хийцгээж байна , одоо бараг амарлаа шд тээ (зарим нь ) , гадагшаа гарахгүй л бол нэг өдрийн амьдрал ч нэг иймэрхүү л болчоод байна дөө :D онгирч байгаан биш за юу






Алив цааш нь...

Хар хун ака 'Black Swan..

Сэтгэлзүйн хэт сонирхол, дарамтыг маш тодоор гаргадаг найруулагч Darren Aronofsky-н ээлжит сайн бүтээл. 4н алтан бөмбөрцөгт нэр дэвшсэн гэхээр кино шүүмжлэгчидээс нилээд өндөр оноо авч чадсан бүтээл болсон. Кинонд баллэтд амьдралаа өгсөн нэгэн бүсгүйн, эмгэнэлтэй амьдралыг цаг 40 минутын кино хальсанд буулгажээ..

Киноны гол баатар балетчин Нинаг (Наталиа Портмэн) найруулагч хар хун блэтийн жүжгийн гол дүр болох хатан хунаар сонгосноос үйл явдал өрнөж эхлэнэ. Энэ жүжигт гол хатан хун 2 төрөлд хувирч тоглох ёстой байдаг. Нинад цагаан хунгийн дүрийг бүтээхэд ямар ч асуудал гарсангүй. Харин хар хунгийн дүрд тоглоход асуудлууд гарч эхлэнэ.

Тэрээр аажим аажимаар дүрдээ хэт гүнзгий орж, нүдэнд нь хий зүйлс харагдаж эхлэнэ..

Харин энэ жүжгийн төгсгөл ямар байх бол??

Триллэр, Драма төрлийн кино. Насанд хүрсэн хүмүүсийн хэсгүүд нилээд байгаа болхоор насанд хүрээгүй хүмүүс үзхэд тохиромжгүй. Миний хувьд тийм ч сонирхол татсангүй магадгүй дахиад нэг үзэх хэрэгтэй байх. Миний үнэлгээ : 7.7/10

2011.1.8нд үзэв..

http://www.imdb.com/title/tt0947798/

Алив цааш нь...